Banakako kontsulten bidez zure lege-zalantzak argituko ditut, baita lan-gatazkaren aurretik aholkularitza emanez ere. Zure eskubideei buruzko informazioa izan dezazula nahi dugu.

Egin beharreko administrazio-izapideetan eta idazkiak idazten ere laguntzen dizut.

Aholkularitza behar bezala egin ahal izateko, aldez aurretik hitzordua eskatu behar da.

Nola eska dezaket kontsulta baterako aurretiazko hitzordua?

Horretarako, harremanetan jar zaitezke bide hauetako bat erabiliz:

• Helbide elektronikoa: info@iratialkezar.com
• Telefonoa: (+34) 640 71 63 84

Lehen eskaera horretan, azalpen labur bat egin dezakezu nirekin harremanetan jartzea zergatik erabaki duzun eta aholkularitza juridikoa zertarako behar duzun azalduz.

Nola egiten da lehen kontsulta?

Aurretiko hitzordua eskatu ondoren, kontsultarako eguna eta ordua hitzartu behar ditugu. Batzuetan, egutegi bat bidaltzen dugu, ondoen datorkizun eguna eta ordua aukeratzeko, etxetik lasaitasun eta erosotasun osoz.

Era berean, kontsulta hori nola egingo dugun zehaztuko dugu:

• Bulegoan bertan.
• Online, bideodeiaren bidez.
• Telefonoz.

Lehen kontsultek ordubete iraun ohi dute, oro har.

Bulegora joaten zaren lehen aldia bada, komeni da honako dokumentazio hau ekartzea, laneko gai bat bada:

• Lan-bizitza.
• Kontratua.
• Nominak.
• Dokumentu garrantzitsuak: kaleratze-gutuna, zehapen-gutuna, administrazio-ebazpena, etab.

Epaitegietan izapidetzen ari den gai bat bada, dokumentazio ofizial judiziala ekarri beharko duzu.